MPSC अध्यक्षांच्या राजीनाम्यावरून गोपीचंद पडळकरांचा रोहित पवारांवर घणाघात; थेट म्हणाले…

MPSC अध्यक्ष विवेक भिमनवार यांच्या राजीनाम्याच्या दाव्यावरून भाजप प्रवक्ते गोपीचंद पडळकर यांनी राष्ट्रवादी काँग्रेसचे नेते रोहित पवार यांच्यावर जोरदार टीका केली आहे. रोहित पवार हे विद्यार्थ्यांच्या प्रश्नांचे राजकारण करत असून महाराष्ट्राचे वातावरण कलुषित करण्याचा प्रयत्न करत असल्याचा आरोप पडळकर यांनी केला. पडळकर यांनी स्पष्ट केले की, माननीय मुख्यमंत्री महोदयांनी विद्यार्थ्यांच्या शिष्टमंडळासोबत अडीच ते तीन तास चर्चा केली. ही चर्चा अत्यंत सकारात्मक झाली आणि विद्यार्थ्यांनी आंदोलनाची आवश्यकता नसल्याचे सांगितले.

मुख्यमंत्र्यांनी MPSC संदर्भात सकारात्मक भूमिका घेतल्याचेही त्यांनी नमूद केले. अध्यक्षांच्या राजीनाम्याचा विषय कलम ३१७ नुसार प्रक्रियेतून जाईल, हे विद्यार्थी प्रतिनिधींना माहीत होते असे पडळकर म्हणाले. विद्यार्थ्यांच्या हितापेक्षा रोहित पवारांना त्यांच्या करिअरची चिंता आहे, असा दावाही त्यांनी केला. MPSC मध्ये भविष्यात अशा घटना टाळण्यासाठी FIrada समिती गठीत केली असून अधिकारी विद्यार्थ्यांशी संवाद साधत आहेत, असे पडळकर यांनी सांगितले.