MSRTC Protest Video : एसटी कर्मचाऱ्यांचे आज राज्यभर आंदोलन, मागण्या नेमक्या काय?

एस महामंडळासंदर्भात एक बातमी समोर येत आहे. एसटी कामगार संघटनेकडून आज राज्यभरात आंदोलन करण्यात येणार आहे. एसटी कामगारांच्या आर्थिक प्रलंबित मागण्यांसाठी एसटी कामगार संघटना आक्रमक झाली असून त्यांनी राज्यभरात आंदोलन करण्याचा पवित्रा घेतला आहे. तर मुंबई सेंट्रल मध्यवर्ती कार्यालयावर आज दुपारी एसटी कामगार निदर्शनं करणार असल्याची माहिती मिळतेय. एसटी कामगार आपल्या प्रलंबित आर्थिक व इतर मागण्यांसाठी एसटी कामगार संघटना राज्यभरात आंदोलन करताना दिसणार आहेत. तर कामगारांची उरलेली थकबाकी त्वरित मिळावी, महागाई भत्ता, वार्षिक वेतनवाढीचा टक्का या मुद्दांवरून कामगारांनी आज आक्रमक भूमिका घेतली आहे. तर पूर्वीप्रमाणेच पाच रूपयांच्या फरकाने सुधारित एसटीच्या प्रवासाची भाडेवाढ लागू कऱण्यात यावी, अशी मागणी देखील कामगार संघटनेने केली आहे.