Ladki Bahin Yojana e-KYC : लाडक्या बहिणींनो e-KYC केलंय का? नाहीतर 1500 रूपये बंद! फक्त ‘या’ 5 स्टेप्स वापरा

महाराष्ट्र सरकारच्या मुख्यमंत्री लाडकी बहीण योजनेसाठी एक महत्त्वाचा निर्णय घेतला आहे. योजनेच्या लाभार्थी महिलांना आता ई-केवायसी करणे बंधनकारक करण्यात आले आहे. महिला आणि बालकल्याण राज्यमंत्री मेघना बोर्डिकर यांनी याबाबतची माहिती दिली. त्यांनी सांगितले की, येत्या दोन महिन्यांत सर्व लाभार्थी महिलांनी ई-केवायसी पूर्ण करावी लागेल. ही प्रक्रिया ladakibahin.maharashtra.gov.in या वेबसाइटवर ऑनलाइन पूर्ण करता येईल. या वेबसाइटवर ई-केवायसीसाठी आवश्यक असलेली माहिती आणि पद्धत स्पष्ट करण्यात आली आहे. सरकारने स्पष्ट केले आहे की, या निर्णयाचा उद्देश योजनेचा लाभ अधिक पारदर्शी आणि प्रभावीपणे पोहोचवणे हा आहे. ई-केवायसीद्वारे लाभार्थ्यांच्या माहितीची अचूकता सुनिश्चित करणे आणि कोणताही गैरवापर टाळणे हे यामागचे उद्दिष्ट आहे.