Mumbai Airport : मुंबई विमानतळावर 11 कोटींच्या कोकेनसह विदेशी नागरिक अटकेत

मुंबईच्या छत्रपती शिवाजी महाराज आंतरराष्ट्रीय विमानतळावर आयव्हरी कोस्टच्या एका नागरिकाला पश्चिम आफ्रिकेतील एका देशातून भारतात ११.३९ कोटी रुपयांच्या कोकेनची तस्करी केल्याच्या आरोपाखाली अटक केली. महसूल गुप्तचर संचालनालयाच्या (डीआरआय) अधिकाऱ्यांनी ही कारवाई केली आहे.

आरोपी परदेशी नागरिक, ज्याची ओळख अ‍ॅने चार्ल्स जोसेलिन कौमे अशी सांगण्यात येत आहे, त्याने कोकेन भरलेल्या कॅप्सूलचे सेवन करून ते लपवले होते. या तस्करीमागे मोठ्या प्रमाणात रॅकेट असल्याचा संशय एजन्सीला आहे. आयव्हरी कोस्टमधील एका नागरिकाकडून भारतात अंमली पदार्थांची तस्करी केली जाणार असल्याची विशिष्ट गुप्त माहिती मिळाल्यानंतर, डीआरआय अधिकाऱ्यांनी गुरुवारी सिएरा लिओनहून मुंबई विमानतळावर आलेल्या एका पुरुष प्रवाशाला रोखले. कौमेने भारतात तस्करी करण्यासाठी अंमली पदार्थ असलेले कॅप्सूल घेतल्याची कबुली दिली. त्याला ताबडतोब जवळच्या सरकारी रुग्णालयात दाखल करण्यात आले.