Mumbai Central ST Depot : भिंतींना ओलावा… ना अंघोळीची सोय, AC बंद! मुंबई सेंट्रल डेपो विश्रामगृहाची दुरवस्था अन् चालक-वाहकांचा संताप

मुंबई सेंट्रल एसटी डेपोतील चालक आणि वाहकांना विश्रांती घेण्यासाठी असलेल्या वातानुकूलित विश्रामगृहाची अत्यंत दुरवस्था झाल्याचे समोर आले आहे. परिवहन मंत्र्यांनी हे विश्रामगृह सुरू करण्याचे आदेश गेल्या महिन्यात दिले असले तरी, त्याची अंमलबजावणी योग्य प्रकारे झाली नसल्याचे दिसते. सध्या हे विश्रामगृह सुरू झाले असले तरी, त्यात अनेक समस्या आहेत.

-वाहकांनी दिलेल्या माहितीनुसार, एसी केवळ हवा देतात, परंतु कुलिंग करत नाहीत. भिंतींना ओलसरपणा आला असून, तांत्रिक बिघाड झाल्याचे दिसते. सर्वात गंभीर समस्या म्हणजे वरच्या विश्रामगृहात कोणतेही शौचालय किंवा आंघोळीची सोय उपलब्ध नाही. त्यामुळे चालक-वाहकांना खालील दोन स्वच्छतागृहांसाठी एक-एक तास रांगेत उभे राहावे लागत आहे, ज्यामुळे मोठी गैरसोय होत आहे.

या सर्व प्रकारामुळे चालक-वाहकांमध्ये तीव्र नाराजी असून, त्यांनी संबंधित अधिकाऱ्यांवर चौकशी करून कारवाई करण्याची मागणी केली आहे. परिवहन मंत्र्यांच्या आदेशाकडे दुर्लक्ष झाल्यामुळे डेपोतील या महत्त्वाच्या सुविधेची दुरवस्था झाल्याचे स्पष्ट होत आहे.