लोकल रेल्वेला पावसाचा फटका! मध्य, वेस्टर्न आणि हार्बर रेल्वे उशिराने

मुंबईत सध्या जोरदार पाऊस पडत आहे. यामुळे मुंबईतील मध्य, वेस्टर्न आणि हार्बर या तीनही लोकल रेल्वे मार्गांवर गाड्यांच्या वेळापत्रकात विलंब झाला आहे. मध्य रेल्वेच्या लोकल गाड्या आठ ते दहा मिनिटे उशिराने धावत आहेत. वेस्टर्न रेल्वेच्या विरार-चर्चगेट मार्गावरील गाड्या पाच ते सात मिनिटे उशिराने आहेत. तसेच, हार्बर लाईनवर नेरूळ-सीएसएमटी लोकल सहा ते सात मिनिटे उशिराने धावत आहेत. पावसाचा हा परिणाम मुंबईतील रेल्वे प्रवाशांच्या दैनंदिन प्रवासावर झाला आहे. सर्वच मार्गांवरील वाहतूक उशिराने सुरू असल्याचे वृत्त आहे.