राष्ट्रवादी भाजपची बी टीम आहे का?; मनसे नेत्याने हा सवाल का केला?

मुंबई : मनसेचे नेते संदीप देशपांडे यांनी राष्ट्रवादीवर घणाघात केलाय. राष्ट्रवादी भाजपची भूमिका मांडत असेल तर राष्ट्रवादी भाजपची बी टीम आहे का?, असा सवाल संदीप देशपांडे यांनी विचारला आहे. तुम्ही दुसऱ्यावरती आरोप करता तुम्ही स्वत: काय आहात? भाजपने लिहिलेली स्क्रिप्ट पवारसाहेब वाचून दाखवतात, असा आरोप संदीप देशपांडे यांनी केला आहे. राष्ट्रवादीत एकजूट कधी होती? हा महत्त्वाचा प्रश्न आहे. मग फुटीचा विषय येतो, असं संदीप देशपांडे म्हणाले आहेत. अयोध्याला जायचा सगळ्यांना अधिकार आहे. प्रभू रामाचं दर्शन घेण्याचा अधिकार आहे. राज ठाकरे जेव्हा सांगतील तेव्हा आम्हीही अयोध्याला जाऊ, असंही संदीप देशपांडे म्हणाले आहेत.