Nagpur : नागराज मंजुळेंच्या चित्रपटातील अभिनेत्याची हत्या, मित्रानंच संपवलं, नेमकं घडलं काय?

नागपूरमध्ये झुंड या गाजलेल्या चित्रपटात भूमिका साकारलेल्या अभिनेते बाबू छत्री याची हत्या झाल्याची बातमी समोर आली आहे. नागपूरच्या जरीपटका पोलीस स्टेशनच्या हद्दीत ही दुर्दैवी घटना घडली आहे. प्राथमिक माहितीनुसार, दारूच्या नशेत एका मित्रानेच बाबू छत्री यांचा खून केल्याचे उघड झाले आहे. या घटनेमुळे नागपुरात एकच खळबळ उडाली आहे.

बाबू छत्री याने दिग्दर्शक नागराज मंजुळे यांच्या झुंड चित्रपटात काम केले होते. या चित्रपटामुळे त्याला चांगली ओळख मिळाली होती. विशेष म्हणजे, या चित्रपटात त्याला बॉलिवूडचे महानायक अमिताभ बच्चन यांच्यासोबत काम करण्याची मोलाची संधी मिळाली होती. त्यामुळे त्याचे निधन चित्रपटसृष्टी आणि त्यांच्या चाहत्यांसाठी धक्कादायक मानले जात आहे. पोलीस या प्रकरणाचा अधिक तपास करत आहेत.