Bhaskar Jadhav : भास्कर जाधव विधानसभेत भडकले अन् कामकाजावरच आक्षेप, सभागृहात नेमकं घडलं काय?

नागपूर हिवाळी अधिवेशनादरम्यान महाराष्ट्र विधानसभेत लक्षवेधी सूचनांवर उत्तर न मिळाल्याने आमदार भास्कर जाधव यांनी तीव्र संताप व्यक्त केला. त्यांची लक्षवेधी सूचना मंजूर झाली असूनही, संबंधित उत्तर पिजन होलमध्ये प्राप्त झाले नसल्याचे जाधव यांनी सभागृहाच्या निदर्शनास आणून दिले. मंत्र्यांकडे उत्तर तयार असतानाही ते सदस्यांपर्यंत न पोहोचल्याने जाधव यांनी सभागृहाच्या कार्यपद्धतीवर प्रश्नचिन्ह उभे केले. अधिकाऱ्यांच्या बेजबाबदार वर्तनावर त्यांनी ताशेरे ओढले. लक्षवेधी सूचनांची उत्तरे वेळेवर न मिळणे ही गंभीर समस्या असून, सदस्यांना प्रश्नांची तयारी करण्यासाठी पुरेसा वेळ मिळत नसल्याचेही यावेळी अधोरेखित करण्यात आले. या मुद्द्यावर आज दुपारी निर्णय घेण्याचे आश्वासन देण्यात आले.