अखेरचा कॉले केला तो देखील… नाना पाटेकरांच्या ‘नाम फाऊंडेशन’च्या पदाधिकाऱ्याने दिली मोठी माहिती

ज्येष्ठ अभिनेते नाना पाटेकर यांच्या निधनाने महाराष्ट्रातील सामाजिक कार्याला, विशेषतः दुष्काळग्रस्त शेतकऱ्यांना मोठा धक्का बसला आहे. नाम फाउंडेशनचे सीईओ गणेश थोरात यांनी दिलेल्या माहितीनुसार, नाना पाटेकर लवकरच महाराष्ट्राच्या दुष्काळी परिस्थितीची पाहणी करणार होते. गणपतीनंतर ते शेतकऱ्यांना भेटून त्यांना आधार देण्याची त्यांची योजना होती, जेणेकरून  शेतकऱ्यांवरील संकट काहीसं कमी करता येईल. नाना पाटेकर यांनी नाम फाउंडेशनच्या माध्यमातून महाराष्ट्रातील प्रत्येक गरीब कुटुंबापर्यंत आणि शेतकऱ्यांपर्यंत मदत पोहोचवली होती. “नाम फाउंडेशन तर तुम्हाला माहित आहे, सगळ्या महाराष्ट्रातल्या शेतकऱ्यांचं, गोरगरीब जनतेचं नाम फाउंडेशन आहे,” असे गणेश थोरात यांनी म्हटले.

त्यांच्या निधनाने नाम फाउंडेशनचे छत्र हरपल्याची भावना त्यांनी व्यक्त केली. नानासाहेब हे त्यांच्यासाठी एक विचार होते आणि त्यांच्या विचारांवरच फाउंडेशनचे कार्य सुरू होते. गरीब मुलीच्या शिक्षणासाठी मदत करण्याच्या कामासाठीच त्यांचा शेवटचा फोन होता, असेही थोरात यांनी सांगितले. नानांनी कधीही कुणाला परकं मानले नाही, दुष्काळग्रस्त शेतकऱ्याला ते आपल्या कुटुंबातील सदस्य मानत होते.