भाजप- मनसे युतीच्या चर्चेवर नाना पटोलेंची टीका

मुंबई : गेल्या काही दिवसांपासून मनसे आणि भाजप यांची महापालिका निवडणुकीसाठी युती होणार असल्याची चर्चा रंगत आहे. दोनही पक्षांकडून अद्याप याबाबत कुठलीही अधिकृत प्रतिक्रिया देण्यात आलेली नाही. मात्र मनसे आणि भाजप युतीच्या चर्चेवरून काँग्रेसचे प्रदेशाध्यक्ष नाना पटोले यांनी टोला लगावला आहे. भाजप आणि मनसे युती झाल्यास त्याचा आम्हाला काही फरक पडणार नाही. राज ठाकरे हे सुपारीबाज असल्याचे एकदा फडणवीस म्हणाले होते, मग आता राज ठाकरे यांच्यात नेमका काय बदल झाला असा सवा पटोले यांनी केला आहे.