Nanded Viral Audio Clip: मुस्लिम नको आपल्याला, कारण ते… अशोक चव्हाण अन् डी.पी. सावंत यांची ऑडिओ क्लिप व्हायरल

नांदेडच्या प्रभाग क्रमांक 14 मधील निवडणुकीच्या संदर्भात एक कथित ऑडिओ क्लिप सध्या व्हायरल झाली आहे. या क्लिपमध्ये काँग्रेस नेते अशोक चव्हाण आणि डी.पी. सावंत यांच्या संभाषणाचा उल्लेख असल्याचे म्हटले जाते. व्हायरल झालेल्या या क्लिपमध्ये अशोक चव्हाण एक हिंदू पॅनेल तयार करण्याविषयी बोलत असल्याचे समोर आले आहे. तर डी.पी. सावंत हे मुस्लिम उमेदवारांबद्दल बोलताना, ते मतं खाऊ शकत नाहीत किंवा मदत करू शकत नाहीत असे म्हणत असल्याचे ऐकू येते. या क्लिपमध्ये पॅनेलच्या सदस्यांची निवड आणि आर्थिक बाजू यावरही चर्चा झाल्याचे दिसते. टीव्ही9 मराठी वृत्तवाहिनी या व्हायरल ऑडिओ क्लिपच्या सत्यतेची पुष्टी करत नाही. स्थानिक स्वराज्य संस्थांच्या निवडणुकीच्या पार्श्वभूमीवर अशा क्लिप्समुळे राजकीय वर्तुळात चर्चांना उधाण आले आहे.