Tapovan Tree Controversy : ‘शिवतीर्थ’वर ‘तपोवन’चा निर्धार? सयाजी शिंदे यांनी घेतली राज ठाकरेंची भेट तर गिरीश महाजनांच्या दाव्यांवर सवाल

नाशिकमधील ऐतिहासिक तपोवन परिसरातील प्रस्तावित वृक्षतोडीवरून राजकीय आणि पर्यावरणीय वर्तुळात तीव्र वाद निर्माण झाला आहे. अभिनेते तथा पर्यावरणप्रेमी सयाजी शिंदे यांनी मनसे अध्यक्ष राज ठाकरे यांची भेट घेऊन या विषयावर चर्चा केली. मंत्री गिरीश महाजन यांनी तपोवनमधील झाडे झुडपे किंवा रोपटी असल्याचे म्हटले असून, त्याऐवजी हैदराबादमधून १५ हजार मोठी झाडे आणून लावण्याचा दावा केला आहे.

मात्र, सयाजी शिंदे आणि अन्य पर्यावरणप्रेमींनी महाजनांच्या या दाव्यांवर प्रश्नचिन्ह उपस्थित केले आहे. त्यांच्या मते, १० वर्षांखालील झाडे मुळासकट काढणे हे वृक्षतोडच आहे आणि अशा पुनर्लागवड केलेल्या झाडांचे जगण्याचे प्रमाण अत्यंत कमी असते. बीडमधील सरकारच्या अयशस्वी वृक्षारोपणाचे उदाहरण देत, केवळ इव्हेंटसाठी लावलेल्या झाडांच्या काड्याच उरल्याचे दाखवून देण्यात आले. तसेच, १५ फूट उंच झाडांसाठी खोदण्यात आलेले दोन-तीन फुटांचे खड्डे हे झाडांच्या वाढीसाठी अपुरे असल्याचे नाशिककरांनी निदर्शनास आणले आहे. यामुळे, तपोवनातील वृक्षतोडीचा मूळ मुद्दा विकास की पर्यावरण, यावर चर्चेला उधाण आले आहे.