आदित्य ठाकरे यांच्या ‘त्या’ चॅलेंजला मुख्यमंत्री एकनाथ शिंदे यांनी दिलं थेट उत्तर, म्हणाले…

मुंबई : शाखा प्रमुखापासून ते बाळासाहेब यांच्या विचाराने प्रभावित आणि प्रेरित होऊन आम्ही शिवसैनिक झालो आहोत. धर्मवीर आनंद दिघे यांच्या तालीम तयार झालो, संघर्ष करून मुख्यमंत्री झालो, आयते नाही आलो नाही. त्यामुळे कुणाला तुम्ही आव्हान देतात. आम्ही अशी आव्हानं स्वीकारून इथपर्यंत पोहोचलो आणि सर्वसामान्यांच्या मनातलं सरकार स्थापन केलं, त्यामुळे अशी छोटी आव्हान आम्ही स्विकारत नाही तर मोठी आव्हानं स्विकारतो, असे म्हणत एकनाथ शिंदे यांनी आदित्य ठाकरे यांना प्रत्युत्तर दिले आहे. ठाकरे गटाचे नेते अदित्य ठाकरे यांच्या मतदार संघात मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचा भव्य नागरी सत्कार करण्यात आला, यावेळी मुख्यमंत्री एकनाथ शिंदे यांनी आदित्य ठाकरे यांना चोख प्रत्युत्तर दिले.