Pakistani Hindu Issue : पाकिस्तानी हिंदूंचा परत जाण्यास नकार; गुजरातमध्ये 50 कुटुंब करताय 2018 पासून वास्तव्य

गुजरातमधील मेहसानामध्ये 50 पेक्षा अधिक पाकिस्तानी हिंदू कुटुंब स्थायिक झालेले आहेत. आणि त्यांना कोणत्याही परिस्थितीत आता पाकिस्तानात परत जायचं नाही आहे. ही सगळी कुटुंब भारताच्या स्वातंत्र्यापासून म्हणजेच 1947 पासून 2018 पर्यंत पाकिस्तानात राहिलेली आहेत. ही कुटुंबं एलटीव्हीवर भारतात आलेली आहेत. पाकिस्तानात हिंदू कुटुंबांवर होणाऱ्या अत्याचारांबद्दल देखील त्यांनी यावेळी सांगितलं आहे. पंतप्रधान नरेंद्र मोदी यांना आमची विनंती आहे की आम्हाला परत पाठवू नका, आम्हाला मरण मान्य आहे. आम्हाला गोळ्या घाला पण परत पाठवू नका असं यावेळी बोलताना या कुटुंबांनी म्हंटलं आहे. पाकिस्तानात आमच्यावर हिंदू असल्याने खूप अत्याचार झाले. आमचं आयुष्य असंच गेलं. पण आमच्या मुलांना भारतात भविष्य मिळेल, अशी भावना या पाकिस्तानी हिंदुंनी व्यक्त केली आहे.