Pankaja Munde : स्तब्ध अन् डोळ्यात पाणी… शिर्डीतील गुरुस्थान मंदिरात दर्शनावेळी पंकजा मुंडे भावूक

केंद्रीय गृहमंत्री अमित शहांच्या शिर्डी दौऱ्यापूर्वी मंत्री पंकजा मुंडे गुरुस्थान मंदिरात दर्शन घेण्यासाठी पोहोचल्या होत्या. दर्शनादरम्यान त्या भावूक झाल्याचे दिसून आले. शिर्डीतील गुरुस्थान मंदिराच्या आवारात हे दृश्य पाहायला मिळाले. याच वेळी मंत्री पंकजा मुंडे आणि भाजपच्या माजी आमदार स्नेहलता कोल्हे यांच्यात काही वेळ चर्चा झाली. अमित शहा अहमदनगर जिल्ह्यात अहिल्यानगर येथे पोहोचण्यापूर्वीच मंत्री पंकजा मुंडे यांनी गुरुस्थान मंदिरात जाऊन दर्शन घेतले. त्यांच्या भावूक होण्यामागचे नेमके कारण स्पष्ट नसले तरी, ही दृश्ये अत्यंत बोलकी असल्याचे सांगण्यात येत आहे. दर्शनावेळेस त्या भावूक झाल्याचे अनेक दृश्यांमध्ये स्पष्ट दिसत आहे.