BJP vs Dhangekar : राजकारणात आता डोरेमॉन vs नोबिता! धंगेकर बावळट नोबिता, भाजपकडून उल्लेख तर हा डोरेमॉन कोण?

राज्याच्या राजकारणात सध्या नेत्यांमधील शाब्दिक युद्ध आणि टोलेबाजी चर्चेचा विषय ठरत आहे. याच पार्श्वभूमीवर, नवनाथ बन यांनी काँग्रेसमधून शिवसेनेत आलेले आमदार रवींद्र धंगेकर यांचा बावळट नोबिता असा उल्लेख केल्याने राजकीय वर्तुळात नवा वाद सुरू झाला आहे. धंगेकरांच्या मागील राजकीय प्रवासावरही या निमित्ताने भाष्य करण्यात आले आहे, ज्यात ते बारा पक्ष बदलून अखेर शिवसेनेमध्ये दाखल झाल्याचे नमूद करण्यात आले आहे.

या वादाची सुरुवात रवींद्र धंगेकर यांनी केली होती. धंगेकर यांनी नवनाथ बन यांचा डोरेमॉन असा उल्लेख करत एक ट्विट केले होते, ज्यात त्यांनी हा डोरेमॉन कोण? असा प्रश्न विचारला होता. धंगेकरांच्या या प्रश्नाला आणि डोरेमॉन या उल्लेखाला नवनाथ बन यांनी त्यांच्या सोशल मीडिया हँडलवरून प्रत्युत्तर दिले आहे. बन यांनी ट्वीट करत धंगेकरांना उद्देशून तुम्ही बावळट नोबिता असे म्हटले आहे. यामुळे दोन्ही नेत्यांमधील हा शाब्दिक संघर्ष अधिक तीव्र झाला असून, आगामी काळात याचे पडसाद उमटण्याची शक्यता राजकीय विश्लेषकांकडून वर्तवली जात आहे.