Pratap Sarnaik On Purnekar Case : प्रदीप पूर्णेकर प्रकरणावर प्रताप सरनाईक आक्रमक; ठाण्यातील प्रकरणावर नेमकं काय म्हणाले?

काही दिवसांत सांताक्रुझ येथील टी-वन विमानतळावरून होणाऱ्या काही विमानांचे उड्डाण नवी मुंबई विमानतळावरून सुरू होणार असल्याच्या पार्श्वभूमीवर, राज्य शासनाने एसटी महामंडळाच्या माध्यमातून नवी मुंबई विमानतळासाठी नवीन बस सेवा सुरू करण्याची घोषणा केली आहे. शिवसेना आमदार प्रताप सरनाईक यांनी याबाबत माहिती दिली.

या नवीन ई-शिवाई बस सेवा दादर, बोरीवली आणि स्वारगेट येथून नवी मुंबई विमानतळासाठी धावणार आहेत. दादर ते नवी मुंबई विमानतळ प्रवासासाठी सध्या ₹170, बोरीवली ते नवी मुंबई विमानतळ ₹210 आणि स्वारगेट ते नवी मुंबई विमानतळ ₹455 असा दर निश्चित करण्यात आला आहे. यामध्ये महिलांना 50% सवलत, ज्येष्ठ नागरिकांना मोफत प्रवास आणि इतर लाभार्थ्यांना सवलतीचा लाभ मिळेल. खासगी वाहनांपेक्षा ही सेवा अत्यंत माफक दरात उपलब्ध होणार असल्याचे सरनाईक यांनी स्पष्ट केले.

यासोबतच, सरनाईक यांनी पुणे येथे सुरू असलेल्या एमपीएससी विद्यार्थ्यांच्या आंदोलनावरही भाष्य केले. एमपीएससी विद्यार्थ्यांच्या पाठीशी सरकार आणि महायुती पूर्णपणे उभी आहे. मात्र, या आंदोलनाचे राजकारण करण्याचा प्रयत्न करणाऱ्या विरोधकांचा त्यांनी निषेध केला. राज ठाकरे यांनीही 70,000 पदनिर्मितीची मागणी अवास्तव असल्याचे म्हटले होते, याकडे सरनाईकांनी लक्ष वेधले.