पुण्यातून मोठी बातमी! ससून रुग्णालयात हिंदू राष्ट्र संघटनेच्या अध्यक्षांवर जीवघेणा हल्ला, हल्ल्यात एक पोलीसही जखमी

पुणे : पुण्यात ससून रुग्णालयात (Sasoon Hospital) गोळीबाराच्या घटनेनं खळबळ उडाली आहे. पुण्यात (Pune crime news) हिंदू राष्ट्र संघटनेच्या अध्यक्षांवर जीवघेणा हल्ला करण्यात आला. हिंदू राष्ट्र संघटनेचे तुषार हंबीर (Tushar Hambir) यांच्यावर ससून रुग्णालयात हल्ला करण्यात आला. तुषार हंबीर यांच्यावर पोलीस संरक्षणातच हल्ला करण्यात आल्यानं अनेक सवाल उपस्थित केले जात आहेत. तुषार हंबीर हा स्वतः एका आरोपी आहे. तो सध्या येरवडा कारागृहात मोक्का गुन्ह्याखाली अटकेत आहे. तुषार हंबीर याला काल उपचारासाठी ससून रुग्णालयात आणण्यात आलं होतं. त्याचवेळी चार जणांनी तुषार हंबीर यांच्यावर हल्ला चढवला. या हल्ल्यामध्ये एक पोलीस कर्मचारी देखील गंभीर जखमी झाल्याची माहिती मिळतेय. सध्या या गोळीबार प्रकरणी पोलीस अधिक तपास करत आहेत. मात्र ससून रुग्णालयात झालेल्या या गोळीबाराच्या घटनेनं इतर रुग्णांमध्येही भीतीचं वातावरण आहे.