मुख्यमंत्र्यांना उडवण्याची धमकी देणारा पुणे पोलिसांच्या ताब्यात; धमकीचं कारण काय? पाहा…

पुणे : मुख्यमंत्री एकनाथ शिंदे यांना उडवण्याची धमकी देण्यात आली आहे. फोन कॉलवरून ही धमकी देण्यात आली. त्यानंतर ही धमकी देणाऱ्याला पुणे पोलिसांनी ताब्यात घेतलं आहे. मद्यप्राशन करून नशेत फोन केल्याचा दावा पोलिसांनी केला आहे. आरोपीची बायको पुण्यात धायरीमध्ये राहते. कौटुंबिक वादातून त्याने हा कॉल केला असल्याची प्राथमिक माहिती समोर आली आहे. मारुती आगवणे असं आरोपीचं नाव आहे. मारुती आगवणे यांनी 112 क्रमांकावर हा धमकीचा फोन आला होता. “मी एकनाथ शिंदे यांना उडवणार आहे”, एवढंच बोलून हा कॉल कट करण्यात आला आहे. काल रात्री डायल 112 नंबरवर फोन करून धमकी देण्यात आली आहे.