शिरूरमध्ये पावसाचं थैमान! कांदा पिकाचं मोठं नुकसान, शेतकरी चिंतेत

पुण्यातील शिरूर तालुक्यात झालेल्या मुसळधार पावसामुळे कांदा पिकाला मोठे नुकसान झाले आहे. शेतकऱ्यांच्या माहितीनुसार, काल सायंकाळी सात वाजल्यापासून सुरू झालेला पावस अजूनही सुरू आहे. या पावसामुळे सहा ते सात एकरवरील कांद्याचे पीक पाण्याने वाहून गेले आहे. शेतकऱ्यांनी बी- लागवड, खत आणि राण बांधण्यासाठी मोठा खर्च केला होता. त्यांच्या मेहनतीचे फळ पाण्याने वाहून गेल्याने शेतकरी मोठ्या आर्थिक संकटात सापडले आहेत. ते शासनाकडून मदत आणि नुकसानीची भरपाई मिळावी अशी मागणी करत आहेत. या घटनेची नोंद घेऊन शासनाने मदत करावी अशी अपेक्षा आहे.