पुणे टॉप न्यूज, पुणे महानगरपालिकेला १६०० कोटींचे उत्पन्न

पुणे : पुणे जिल्ह्यात गेल्या २४ तासांत काय घडले आहे ते मुख्य नऊ घटनांमधून जाणून घेऊ या. पुणे महानगरपालिकेला यंदा 1600 कोटींचे उत्पन्न मिळाले आहे. फेब्रुवारीपर्यंत हे उत्पन्न आहे. कोणतीही करसवलत न दिल्यामुळे मनपाला हे उत्पन्न झाले आहे. पुणे येथील भिडे वाड्यातील रहिवाशी व गाळेधाराकांना पर्यायी जागा देण्यात येणार आहे. मुख्यमंत्री एकनाथ शिंदे यांनी हे आश्वासन दिले आहे. यामुळे राष्ट्रीय स्मारकाचे काम लवकरच सुरु होण्याची शक्यता आहे. महात्मा ज्योतिबा फुले आणि सावित्रीबाई फुले यांनी 1 जानेवारी 1848 रोजी पुणे येथील भिडे वाड्यात मुलींची पहिली शाळा सुरू केली. त्यामुळे या वास्तूला ऐतिहासिक महत्व आहे. या ठिकाणी राष्ट्रीय स्मारक उभारण्यास राज्य सरकारनं पावले उचण्यास सुरुवात केली आहे.