उद्धव ठाकरे सभा घेणार यात काय नवीन? आनंद फक्त याच गोष्टीचा की…; राधाकृष्ण विखे पाटील यांचं टीकास्त्र

सोलापूर : राज्याचे महसूलमंत्री राधाकृष्ण विखे पाटील यांनी उद्धव ठाकरे यांच्या सभेवर खोचक टीका केली आहे. “राजकीय पक्षांच्या सभा होतच राहतात. उद्धव ठाकरे पक्षाचे नेते असल्याने सभा घेणार त्यात काहीही वेगळं नाही. मात्र आनंद एवढाच आहे की उद्धव ठाकरे घराबाहेर पडले आहेत. आता फेसबुकवर नाही. तर प्रत्यक्ष सभा घेत आहेत. आता त्यांची थेट सभा होतेय. लोकांना तो एक बदल दिसतोय”, असं विखे पाटील म्हणाले आहेत. माजी मुख्यमंत्री उद्धव ठाकरे यांची आज रत्नागिरीतील खेडमध्ये संध्याकाळी सहा वाजता जाहीर सभा होणार आहे.