Shivsene : …तेव्हा 8 दिवस मातोश्रीच्या बाकड्यावर झोपलो अन् सगळं.., बाळासाहेबांच्या निधनावरून रामदास कदमांचा संतप्त सवाल

अलीकडे झालेल्या दसरा मेळाव्यात शिवसेना नेते रामदास कदम यांनी उद्धव ठाकरे यांच्यावर तीव्र शब्दांत हल्ला चढवला आहे. उद्धव ठाकरेंना राजकारणातून कायमचे उद्ध्वस्त करा, असे खुले आवाहन कदम यांनी यावेळी केले. बाळासाहेब ठाकरे यांच्या निधनानंतर घडलेल्या काही घटनांवरही त्यांनी गंभीर प्रश्नचिन्ह उपस्थित केले.

रामदास कदम यांनी विचारले की, “बाळासाहेब ठाकरे यांचा मृतदेह दोन दिवस का ठेवण्यात आला होता?” तसेच, “बाळासाहेबांच्या हाताचे ठसे का घेतले होते?” असे सवाल त्यांनी केले. मातोश्रीमध्ये नेमके काय चालले होते, याची आपल्याला माहिती होती, असेही कदम यांनी सांगितले. त्यांनी दावा केला की, “आम्ही आठ दिवस मातोश्रीच्या बाकड्यावर झोपलो होतो आणि सगळं कळत होतं.” आपण शिवसेनेसाठी तुरुंगवास भोगला आहे आणि शिवसेना मोठी केली आहे, असे सांगत, आता आम्हाला संपवण्याचा प्रयत्न का केला जात आहे, असा सवालही त्यांनी केला.