Rane Brothers Feud : राणे बंधूंमधील राजकीय संघर्ष टोकाला, 16 जानेवारीनंतर कोकणात मोठा बॉम्ब फुटणार? नितेश राणे यांचा संकेत

कोकणातील नगरपरिषद निवडणुकीच्या निकालानंतर राणे बंधूंमधील राजकीय संघर्ष अधिक तीव्र झाला आहे. नितेश राणेंनी ट्विटद्वारे 16 जानेवारीनंतर कोकणात मोठा राजकीय बॉम्ब फुटणार असल्याचे संकेत दिले आहेत. 16 जानेवारीला राज्यातील महापालिका निवडणुकांचे निकाल लागणार असून, त्यानंतर ते निलेश राणेंचा बोलवता धनी कोण, तसेच निवडणूक निधीसंदर्भातील आरोपांवर विस्तृत माहिती देणार आहेत. या वादाची सुरुवात कणकवली नगरपरिषदेच्या निवडणुकीत झाली, जिथे भाजपचे उमेदवार समीर नलावडे यांचा पराभव झाला. नितेश राणेंनी यासाठी निलेश राणेंना जबाबदार धरले, त्यांनी सिंधुदुर्गात भाजप कार्यकर्त्यांना धमकावून महायुती होण्यापासून रोखल्याचा आरोप केला. याउलट, निलेश राणेंनी महायुती न होण्यामागे नारायण राणेंना काही नेत्यांनी विश्वासात न घेतल्याचे कारण दिले. कणकवली आणि मालवण नगरपरिषदेत निलेश राणेंनी पाठिंबा दिलेल्या उमेदवारांनी विजय मिळवला आहे. 16 जानेवारीनंतर हे राजकीय नाट्य आणखी रंगण्याची शक्यता आहे.