शिंदेंकडे जाऊन बाजू मांडणार! रवींद्र धंगेकरांनी स्पष्टच सांगितलं

आमदार रवींद्र धंगेकर यांनी उपमुख्यमंत्री एकनाथ शिंदे यांची भेट घेऊन आपली बाजू मांडणार असल्याचे स्पष्ट केले आहे. पुणे शहर भयमुक्त राहिले पाहिजे, अशी त्यांची भूमिका आहे. हीच भूमिका उपमुख्यमंत्री एकनाथ शिंदे आणि मुख्यमंत्री देवेंद्र फडणवीस यांचीही असेल, असे मत धंगेकर यांनी व्यक्त केले.

धंगेकर यांनी निलेश घायवळ प्रकरणावर बोलताना, “मलाच का टार्गेट करताय? निलेश घायवळवर बोला ना,” असे आव्हान दिले आहे. यापूर्वी, घायवळ प्रकरणात धंगेकर यांनी चंद्रकांत पाटील यांच्यावर आरोप केले होते. त्यानंतर भाजपने त्यांच्यावर नाराजी व्यक्त केली होती. या पार्श्वभूमीवर, धंगेकर यांनी जनतेच्या खऱ्या शत्रूंना पाठिंबा देण्याऐवजी आपल्या पाठीशी उभे राहण्याचे आवाहन केले आहे. त्यांनी म्हटले की, “मी तुमचा दुश्मन आहे का? जनतेच्या शत्रूंच्या मागे न राहता माझ्यासोबत उभे राहा.”