Ravindra Dhangekar : धंगेकरांकडून मोहोळांचा जुना Video व्हायरल, नेमकं काय त्यात? भाजपच्या तक्रारीनंतर कारवाई होणार?

रवींद्र धंगेकरांनी मुरलीधर मोहोळांचा गोखले लँडमार्कची जाहिरात करतानाचा एक जुना व्हिडिओ ट्विट करून पुणे राजकारणात खळबळ उडवून दिली आहे. धंगेकरांनी मोहोळांवर जैन बोर्डिंग जमीन व्यवहारात गोखले बिल्डरचे 50% भागीदार असल्याचा गंभीर आरोप केला आहे. या आरोपांवर स्पष्टीकरण देताना मुरलीधर मोहोळ यांनी सांगितले की, जमीन व्यवहार झाला तेव्हा ते गोखले बिल्डरचे भागीदार नव्हते. ते शेती आणि बांधकाम व्यवसाय करतात आणि त्यांनी लोकसभेच्या प्रतिज्ञापत्रात याची नोंद केली आहे. त्यांना काहीही लपवण्याची गरज नसल्याचे त्यांनी नमूद केले. या प्रकरणात जैन मुनी गुप्तीनंदी महाराजांनी 1 नोव्हेंबरपासून उपोषणाचा इशारा दिला आहे, तसेच 29 ऑक्टोबर रोजी जैन समाज राज्यभरात एकदिवसीय अन्नत्याग आंदोलन करणार आहे.