Ravindra Dhangekar : हतबलता अशी जी लपवता येत नाही, धंगेकरांनी मोहोळांना डिवचलं अन् म्हणाले, Stay Tuned..

पुण्यातून एक मोठी राजकीय बातमी समोर आली आहे. आमदार रवींद्र धंगेकरांनी एक ट्वीट करत नाव न घेता मुरलीधर मोहोळ यांच्यावर अप्रत्यक्षपणे टीका केली आहे. रवींद्र धंगेकरांनी आपल्या ट्वीटमध्ये म्हटले आहे की, “हतबलता अशी जी लपवली जात नाहीये.” त्यांच्या या टीकेमुळे राजकीय वर्तुळात चर्चांना उधाण आले आहे.

रवींद्र धंगेकरांनी पुढे असेही म्हटले आहे की, “वाममार्गाने कमावलेला पैसा इज्जत वाचवायला कामी येत नाहीये.” त्यांनी हे ट्वीट करत आरोप केला आहे की, सल्लागारही असे भेटले आहेत की काही केल्या प्रकरणाला सांभाळता येत नाही. रवींद्र धंगेकरांनी आपल्या ट्वीटमध्ये पुणे लँड स्कॅम हा हॅशटॅगही वापरला आहे, ज्यामुळे हे प्रकरण पुणे भूखंड घोटाळ्याशी संबंधित असल्याचे स्पष्ट होते. महाराष्ट्राच्या राजकारणातील या घडामोडींवर आता सर्वांचे लक्ष लागले आहे