Rohit Arya : रोहित आर्याने अभिनेत्री रुचिता जाधवलाही केला होता संपर्क, काय झालं बोलणं ?

पवईतील ओलीस नाट्यामुळे चर्चेत आलेला आणि एन्कांऊटरमध्ये मारला गेलेला रोहित आर्या याने अभिनेत्री रुचिता जाधवला एका चित्रपट प्रकल्पासाठी संपर्क साधला होता अशी माहिती समोर आली आहे. रुचिता जाधवने स्वतः सोशल मीडियावर पोस्ट शेअर करून या घटनेची पुष्टी केली आहे. रोहित आर्याने 4 ऑक्टोबर रोजी रुचिता जाधवला एक इंग्रजी मेसेज पाठवला होता, ज्यामध्ये त्याने एका नवीन चित्रपटाबद्दल चर्चा करण्याची इच्छा व्यक्त केली होती. यानंतर दोघांमध्ये संपर्क साधण्याचे ठरले. मात्र काही कारणांमुळे त्यांची मीटिंग होऊ शकली नाही. रोहितशी काय बोलणं झालं ते रुचिताने स्वत: सांगितलं आहे.