ठाकरे गटाला मोठा धक्का बसणार! विकासकामांसाठी अनेक जण आमच्याशी संपर्कात, त्या बड्या नेत्याने सगळंच सांगितलं

राज्यात सुरू असलेल्या राजकीय घडामोडींवर शिवसेना नेते सचिन अहिर यांनी आपले मत मांडले आहे. “ठाकरे गटातील अनेक लोक विकासकामांसाठी आमच्याशी संपर्क साधत आहेत,” असे अहिर यांनी नमूद केले. मुंबईतील १६ नगरसेवकांच्या संभाव्य पद धोक्याबाबत बोलताना, महानगरपालिकांमध्येही सध्या अस्थिरतेचे वातावरण असल्याचे त्यांनी स्पष्ट केले. मात्र, शिंदे गट सक्रियपणे कोणालाही आपल्याकडे खेचण्याचा प्रयत्न करत नसून, ज्यांची कामे होत नाहीत किंवा ज्यांच्या मनात भविष्याबाबत शंका आहे, अशी लोकं स्वतःहून संपर्कात येत असल्याचे त्यांनी सांगितले.

गणेशोत्सवादरम्यान दंगली घडवल्या जातील या राज ठाकरे यांच्या विधानावर बोलताना, शासनाने दक्षता घेतली असून पोलीस यंत्रणा सज्ज असल्याचे अहिर यांनी सांगितले. डीजे बंदीवर बोलताना, कमी डेसिबलमध्ये स्पीकर वापरण्यास आजही परवानगी असल्याचे त्यांनी स्पष्ट केले. विदर्भामध्ये शिवसेनेची संघटना वाढवण्यावर भर दिला जात असल्याचेही अहिर यांनी सांगितले. आगामी काळात स्थानिक स्वराज्य संस्थांच्या निवडणुकांमध्ये किरण पांडव यांच्या नेतृत्वाखाली चांगली कामगिरी करण्याचे उद्दिष्ट असल्याचे त्यांनी नमूद केले.