Gun License Controversy: गुंडाच्या भावाला बंदूक परवाना दिला नाही, फ्लाईल क्लोज अन् कदम बचावले!

गुंड निलेश गायवळचा भाऊ सचिन गायवळ याला शस्त्र परवाना देण्यावरून गृहराज्यमंत्री योगेश कदम यांच्यावर विरोधकांनी जोरदार टीका केली होती. त्यांच्या राजीनाम्याची मागणीही करण्यात आली. मात्र, या प्रकरणात एक नवीन पैलू समोर आला आहे. पुणे पोलीस आयुक्त अमितेश कुमार यांनी दिलेल्या माहितीनुसार, सचिन गायवळला अद्याप कोणताही बंदुकीचा परवाना देण्यात आलेला नाही.

योगेश कदम यांचे वडील रामदास कदम यांनी सुरुवातीला म्हटले होते की, एका उच्चपदस्थ व्यक्तीच्या शिफारशीनुसार योगेश कदमांनी परवान्यावर सही केली होती. परंतु, पोलीस आयुक्तांनी वस्तुस्थिती स्पष्ट केल्याने आणि परवाना जारी झाला नसल्याने, योगेश कदम यांचे मंत्रिपद वाचल्याचे दिसत आहे. अजित पवार यांनी या प्रकरणात चौकशीचे आदेश दिले असून, शिफारस करणाऱ्यांवर कारवाईचा इशारा दिला आहे.