Sambhaji Bhide : शिवराज्याभिषेक सोहळ्यासंदर्भात संभाजी भिडे यांचं मोठं वक्तव्य, 6 जून ऐवजी…

छत्रपती शिवाजी महाराज यांच्या शिवराज्याभिषेक सोहळ्यासंदर्भात शिवप्रतिष्ठान हिंदुस्थान या संघटनेचे अध्यक्ष संभाजी भिडे यांनी मोठं वक्तव्य केल्याचे समोर आले आहे. शिवराज्याभिषेक सोहळा ६ जून रोजी साजरा करु नये, असं वक्तव्य करत संभाजी भिडे यांनी मोठी मागणी केली आहे. छत्रपती शिवाजी महाराज यांचा शिवराज्याभिषेक सोहळा ६ जून रोजी साजरा करु नये. तर त्या दिवशी साजरा करण्यात येणारा शिवराज्याभिषेक सोहळा बंद करावा आणि तिथीप्रमाणे शिवराज्याभिषेक सोहळा साजरा करावा, अशी मागणी संभाजी भिडे यांनी केली आहे.

६ जून १६७४ रोजी छत्रपती शिवाजी महाराज यांचा राज्याभिषेक पार पडला होता. त्यामुळे ६ जून रोजी शिवराज्याभिषेक सोहळा साजरा केला जातो. तिथीप्रमाणे शिवराज्याभिषेक सोहळा ज्येष्ठ शुद्ध त्रयोदशी या दिवशी येतो. त्या दिवसाप्रमाणेच शिवराज्याभिषेक सोहळा साजरा करावा, असे संभाजी भिडे म्हणाले.