Sanjay Gaikwad : चांगल्या घरच्या बायकांना एड्स झाल्याचं दाखवलं अन्… शिंदेंच्या नेत्याचा हर्षवर्धन सपकाळांवर खळबळजनक आरोप
संजय गायकवाडांनी हर्षवर्धन सपकाळांवर एड्स झालेल्या महिलांच्या नावावर अनुदान लाटल्याचा गंभीर आरोप केला आहे. सपकाळांनी सत्ताधारी आमदारांना 21 डिफेंडर गाड्या मिळाल्याचा आरोप केल्यावर गायकवाडांनी पलटवार केला. हा 50 खोके प्रमाणेच नवा नारा असल्याचे सांगत, दोन्ही प्रकरणांची चौकशी करण्याची मागणी गायकवाडांनी केली आहे.
संजय गायकवाडांनी माजी आमदार हर्षवर्धन सपकाळांवर गंभीर आरोप केले आहेत. आमदार असताना सपकाळांनी बुलढाणा शहरातील चांगल्या महिलांना एड्स झाल्याचे दाखवून सरकारी अनुदान लाटल्याचा दावा गायकवाडांनी केला. गायकवाडांचे हे आरोप सपकाळांनी सत्ताधारी आमदारांना एका ठेकेदाराकडून 21 डिफेंडर गाड्या भेट मिळाल्याच्या आरोपांना प्रत्युत्तर म्हणून आले आहेत.
दिवाळीच्या सुमारास 21 सत्ताधारी आमदारांना डिफेंडर गाड्या भेट मिळाल्याचा आरोप हर्षवर्धन सपकाळांनी केला आहे. या 21 आमदारांपैकी एक गाडी बुलढाण्यातील असल्याची चर्चा आहे, असेही त्यांनी म्हटले तर गायकवाडांनी हर्षवर्धन सपकाळांना आव्हान दिले आहे की, त्यांनी स्वतःच्या आरोपांची चौकशी करण्यासोबतच, आमदार असताना एड्स अनुदानांच्या गैरव्यवहाराच्या प्रकरणाचीही चौकशी करावी. महाराष्ट्रातील जनतेला या 21 आमदारांची आणि भेट देणाऱ्या ठेकेदाराची ओळख लवकरच होईल, असेही गायकवाड म्हणाले.
Published on: Oct 25, 2025 11:02 AM
अण्णा हजारे विद्यार्थ्यांसाठी मैदानात, उद्या आंदोलन करणार
हे आंदोलन तर बेजबाबदारपणा, एकनाथ शिंदेंची राहुल गांधींवर टीका; म्हणाले
देशाची बदनामी होऊ नये याचा विचार करा, CM फडणवीसांचे आंदोलकांना आवाहन
आम्हाला कोणतेही व्हिडिओ पाहायचे नाहीत; जंतर-मंतर लाठीचार्ज प्रकरणावर..
