NCP Banner | शरद पवारांचे फोटो पुन्हा राष्ट्रवादीच्या बॅनरवर झळकणार? परवानगी अन्… राजकीय चर्चांना उधाण
जळगावमध्ये राष्ट्रवादी काँग्रेस अजित पवार गटाचे जिल्हाध्यक्ष संजय पवार यांनी केलेल्या एका वक्तव्याची राजकीय वर्तुळात चर्चा सुरू झाली आहे. शरद पवार यांचा फोटो वापरण्यास त्यांनी परवानगी दिल्याचा दावा संजय पवार यांनी केला आहे.
जळगावमध्ये राष्ट्रवादी काँग्रेस अजित पवार गटाचे जिल्हाध्यक्ष संजय पवार यांनी केलेल्या एका वक्तव्याची राजकीय वर्तुळात चर्चा सुरू झाली आहे. शरद पवार यांचा फोटो वापरण्यास त्यांनी परवानगी दिल्याचा दावा संजय पवार यांनी केला आहे.
संजय पवार यांनी सांगितले की, यासाठी त्यांनी शरद पवार यांची प्रत्यक्ष भेट घेतली होती. फोटो वापरण्याबाबत परवानगी मिळावी यासाठी त्यांनी एक पत्र दिले होते. या पत्रावर शरद पवार यांनी स्वतःच्या हस्ताक्षरात मान्यता दिल्याचे लिहून स्वाक्षरी केल्याचा दावा त्यांनी केला.
यापुढे आपल्या प्रत्येक बॅनरवर अजित पवार यांच्यासोबत शरद पवार यांचा फोटो वापरणार असल्याचेही संजय पवार यांनी स्पष्ट केले. तसेच या संदर्भात राष्ट्रवादी काँग्रेस अजित पवार गटाचे प्रदेशाध्यक्ष सुनील तटकरे यांनाही पत्र देणार असल्याचे त्यांनी सांगितले. यावेळी बोलताना भविष्यात दोन्ही राष्ट्रवादी काँग्रेस पक्षांनी एकत्र यावे, अशी अपेक्षाही संजय पवार यांनी व्यक्त केली. त्यांच्या या वक्तव्यानंतर राज्यातील राजकीय चर्चांना नव्याने उधाण आले आहे.
Published on: Jul 12, 2026 06:02 PM
वरळीत पुन्हा आम्ही... ठाकरे गटातील बड्या नेत्याचा सचिन अहिरांना टोला,
तिरंगा रॅलीत मुख्यमंत्री फडणवीसांनी गायले देशभक्ती गीत, पहा व्हिडीओ
मोठी बातमी! आदित्य ठाकरे तातडीने आयुक्त अश्विनी भिडेंच्या भेटीला
वळणाचा अंदाज चुकला अन् दोन ST बस आमनेसामने! रायगडमध्ये अपघात...
