Bihar Election Results 2025 : कल येताच राऊत म्हणाले, एकदम महाराष्ट्र पॅटर्न… धक्का बसण्याची गरज नाही..

बिहार विधानसभा निवडणुकीच्या निकालानंतर शिवसेनेचे नेते संजय राऊत यांनी आपल्या ट्विटर खात्यावरून प्रतिक्रिया व्यक्त केली आहे. “बिहारच्या निकालांना धक्का बसण्याची गरज नाही, बिहारमध्ये एकदम महाराष्ट्र पॅटर्न” असे राऊत यांनी म्हटले आहे. तसेच, सत्तेवर येणाऱ्या आघाडीला 50 च्या आत संपवले, असा टोला त्यांनी निवडणूक आयोग आणि भाजपा राष्ट्रीय कार्यकर्त्यांना उद्देशून लगावला.

एकीकडे राऊतांच्या टीकेचे सत्र सुरू असतानाच, बिहारमध्ये एनडीएने स्पष्ट बहुमत मिळवले. भाजपला 90 जागांवर, तर जेडीयूला 80 जागांवर आघाडी मिळाली. तर, दुसरीकडे, राष्ट्रीय जनता दलाचे नेते तेजस्वी यादव त्यांच्या राघोपूर मतदारसंघात भाजपचे सतीश कुमार यांच्याशी काट्याची टक्कर देत होते. काही काळ पिछाडीवर पडल्यानंतर तेजस्वी यादव पुन्हा 585 मतांनी आघाडीवर आले. भाजप कार्यकर्त्यांनी विजयाचा जल्लोष करत लाडू वाटप आणि घोषणाबाजी सुरू केली. बिहारमधील जनतेने विकासाला महत्त्व देत एनडीएला कौल दिला, असे भाजप नेत्यांनी नमूद केले.