पक्षाचं नाव आणि धनुष्यबाण निवडणूक आयोगाने शिंदेंना दिला, पण ‘ही’ एक गोष्ट देण्याचा त्यांना अधिकार नाही- संजय राऊत

मुंबई : शिवसेना ठाकरेगटाचे खासदार संजय राऊत यांनी निवडणूक आयोग आणि मुख्यमंत्री एकनाथ शिंदे यांच्यावर टीका केली आहे. निवडणूक आयोगाने शिवसेना पक्षाचं नाव आणि धनुष्यबाण चिन्ह एकनाथ शिंदे यांना दिलं खरं. पण उद्धव ठाकरे यांच्यावर असणारं लोकांचं प्रेम, लोकांचे आशिर्वाद आणि लोकांना पाठिंबा निवडणूक आयोग एकनाथ शिंदेंना देऊ शकत नाही. त्यांना तो अधिकार नाही, असं संजय राऊत म्हणालेत. काश्मीरी पंडीतांची हत्या सुरू आहे . त्यांचा आजही आक्रोश सुरू आहे. भाजपचा एकही नेता गेला नाही, असंही संजय राऊत म्हणालेत.