मुंबई : शिंदेगटाने बंडखोरी केल्यानंतर आधी सूरत आणि मग गुवाहाटीला जाऊन सत्तेची गणितं आखली गेली. तेव्हा शिंदेगटाने गुवाहाटीतील कामाख्या देवीचं (Kamakhya Devi Darshan) दर्शन घेतलं. त्यानंतर आज पुन्हा एकदा शिंदेगट गुवाहाटीला गेलाय. हे सगळे आमदार, मंत्री पुन्हा गुवाहाटीला का गेले याचं उत्तर आमदार शहाजीबापू पाटील यांनी दिलंय. ” सत्तासंघर्षाच्या काळात आम्ही कामाख्या देवीच्या दर्शनासाठी गेलो होतो. तेव्हा तिथल्या पुजाऱ्यांनी सांगितलं होतं की, सरकार सत्तेत आल्यावर पुन्हा देवीच्या दर्शनासाठी या. म्हणून आम्ही दर्शनासाठी जातोय”, असं शहाजीबापू पाटील (Shahajibapu Patil) यांनी सांगितलं.