Special Report | जालन्यात लोकसभेची हवा, अर्जुन खोतकर रावसाहेब दानवेंना आव्हान देणार?
शिवसेना नेते अर्जुन खोतकर आणि केंद्रीय मंत्री रावसाहेब दानवे यांच्यातील वाद पुन्हा एकदा उफाळून येण्याची चिन्ह आहेत. अर्जुन खोतकर यांच्या वाढदिवसानिमित्त शहरात भावी खासदार असे बॅनर्स लागले आहेत.
जालनाः शिवसेना नेते आणि माजी मंत्री अर्जुन खोतकर यांच्या वाढदिवसानिमित्त जालन्यात भावी खासदार अशी टॅगलाईन असलेले बॅनर शहरभर झळकवले आहेत. काही दिवसांपूर्वी ईडीच्या कारवाईवरून अर्जुन खोतकर चर्चेत आले होते. रावसाहेब दानवे यांच्यामुळेच ईडीचा ससेमिरा आपल्यामागे लागल्याचा आरोप खोतकर यांनी जाहीर कार्यक्रमांमधून केला होता. तसंच आपण जालना लोकसभा लढवणार असल्याचं सुद्धा त्यांनी सांगितलं होतं. त्यांच्या याच प्रतिक्रियेनंतर सध्या जालना शहरात त्यांच्या वाढदिवसानिमित्त ‘भावी खासदार’चे अनेक बॅनर लावण्यात आले आहेत. त्यामुळे येणाऱ्या काळात रावसाहेब दानवे अर्जुन खोतकर यांच्यातला संघर्ष अधिक तीव्र होऊ शकतो, अशा राजकीय चर्चा रंगल्या आहेत.
Latest Videos
Latest News