Shivsena : शिवसेना पक्षचिन्हाच्या सुनावणीला सुरुवात; नीरज कौलांचा सुप्रीम कोर्टात जोरदार युक्तिवाद

शिवसेना पक्ष आणि चिन्हासंदर्भात सुप्रीम कोर्टात सुनावणीला सुरुवात झाली आहे. या प्रकरणात शिवसेनेच्या वतीने नीरज किशन कौल युक्तिवाद करत आहेत. कौल यांनी युक्तिवाद करताना सादिक अली प्रकरणाचा दाखला दिला. राजकीय पक्षांमध्ये लोकशाही मूल्यांचे जतन करण्यासाठी अंतर्गत निवडणुका घेणे किती महत्त्वाचे आहे, हे त्यांनी अधोरेखित केले.

कौल यांनी म्हटले की, प्रत्येक पक्षात अंतर्गत निवडणुका झाल्या पाहिजेत. पक्षांतर्गत निवडणुका झाल्यास पक्षाला लोकशाही मार्गाने कार्य करण्याचा अधिकार मिळतो. शिवसेनेने निवडणूक आयोगाला शेवटची पक्षघटना २०११ मध्ये सादर केली होती, असेही त्यांनी कोर्टासमोर सांगितले. कालही कौल यांनी सुभाष देसाई प्रकरणासह काही खटल्यांचे दाखले दिले होते. आज पुन्हा एकदा सादिक अली प्रकरणातील काही मुद्द्यांचे वाचन करून ते युक्तिवाद करत आहेत. या सुनावणीदरम्यान अपात्र ठरवलेले सदस्य पक्षातून बाहेर गेले, या मुद्द्यावरही त्यांनी लक्ष वेधले. कौल यांनी या प्रकरणी युक्तिवादासाठी आणखी दोन दिवसांचा कालावधी मागून घेतला आहे.