Ramdas Kadam यांचा नाव न घेता थेट इशारा, ‘…राजकीयदृष्ट्या स्मशानात जावं लागणार’

रत्नागिरी, २२ सप्टेंबर २०२३ | उद्धव ठाकरे गटाचे नेते आदित्य ठाकरे यांच्यावर शिवसेना नेते रामदास कदम यांनी भाष्य करत जोरदार हल्लाबोल केला आहे. उद्धव ठाकरे यांच्यावर मी बोलेन, पण आदित्य ठाकरे यांच्यावर बोलणं ठीक होणार नाही, कारण त्यांची तितकी उंची नाही नारायण राणे यांच्याविरोधात मी संघर्ष करत होतो, त्यावेळी मालवण कणकवलीत तुम्ही कितीवेळा आलात? तुम्ही कुठे होतात? असा सवाल रामदास कदम यांनी उपस्थित केला आहे. तर विनायक राऊत हे निवडणुकीला उभे होते त्यांच्यासभा देखील केल्यात. त्यावेळी कुठे होते? आमदार, खासदार मंत्री यांच्यासह सर्वसामान्यांची भेट घेत नव्हते. मात्र आता बाप-बेट्याला कामाला लावलंय. त्यामुळे आता दोघे पळताय, असे म्हणत रामदास कदम यांनी उद्धव-आदित्य ठाकरे यांना खोचक टोला लगावला आहे.