तुम्हाला कुणाकडून, किती, कधी आणि कोणत्या गाडीतून खोके मिळाले सांगितलं तर…; शीतल म्हात्रे यांचा आदित्य ठाकरे यांना इशारा

मुंबई : शिवसेनेच्या नेत्या शीतल म्हात्रे यांनी ठाकरेगटाचे नेते आदित्य ठाकरेंवर टीका केली आहे. यावेळी त्यांनी खोक्यांचा संदर्भ दिलाय. मुख्यमंत्री एकनाथ शिंदे यांच्यावर होणाऱ्या टीकेवरही त्यांनी भाष्य केलंय. तुम्हाला कुणाकडून खोके मिळाले. किती खोक म्हणाले. कधी मिळाले आणि कोणत्या गाडीतून खोके मिळाले सांगितलं तर तुम्हाला तोंड लपवून फिरावं लागेल. तुम्ही जनसंवाद यात्रा किंवा इतर कार्यक्रम करता तेव्हा त्यासाठी पैसे लागतात. हे पैसे कुठून येतात?, हेही लोकांना समजायला हवं. मुख्यमंत्र्यांबद्दल बोलताना सांभाळून बोला, असं शीतल म्हात्रे म्हणाल्या.