संजय राऊत यांची टीका म्हणजे मोठा जोक! उद्धव ठाकरेदेखील खळखळून हसत असतील; कुणाचं टीकास्त्र?

मुंबई : ठाकरे गटाचे नेते खासदार संजय राऊत यांच्यावर शिवसेनेच्या नेत्याने टीका केली आहे. शिवसेनेचे नेते, आमदार संजय शिरसाठ यांनी संजय राऊतांवर टीका केली आहे. आज मी पहिल्यांदा संजय राऊतांच्या तोंडून ऐकलंय की, देवेंद्र फडणवीसांना सनसनाटीचा छंद जडलाय. याहून मोठा कुठलाच जोक नाही! उद्धव ठाकरेंनी जर राऊतांचं वक्तव्य ऐकलं असेल तर तेही खळखळून हसले असतील. आता त्यांना त्यांना उपचारांची गरज आहे. आपण कुठे आहोत, याचा जरा अभ्यास करा!, असं शिरसाट म्हणाले. उद्धव ठाकरे अडीज वर्ष सत्तेत होते. तेव्हा नामांतरावर सभागृहात ठराव का आणला नाही, काँग्रेस आणि राष्ट्रवादीचा या निर्णयाला पाठिंबा दिला नव्हता. आम्ही सत्तेत आलो आणि सहा महिन्यात आम्ही नाव बदललं. त्याचा तुम्ही अभिमान बाळगा, असंही शिरसाट यांनी म्हटलं आहे.