शितल म्हात्रेंसाठी आक्रमक भूमिका घेता मग गौतमी पाटीलसाठी का नाही?; ठाकरे गटाच्या नेत्याचा सवाल

सोलापूर : “शिवसेना नेत्या शितल म्हात्रे यांच्या व्हायरल व्हिडिओ मुळे विधानसभा बंद पाडता मग गौतमी पाटील यांच्यासाठी अशी भूमिका का घेत नाही?”, असा सवाल ठाकरे गटाचे युवा सेना राज्य विस्तारक शरद कोळी यांनी विचारला आहे. शितल म्हात्रे यांच्या व्यतिरिक्त उर्वरीत महिला या तुमच्या भगिनी नाहीत का? त्यांना इज्जत नाही का? इज्जत फक्त तुमच्या बरोबर राहणाऱ्या व्यक्तीलाच आहे का? याचा अर्थ तुम्ही पक्षापात करत आहात. गौतमी पाटील यांच्या व्हायरल झालेल्या व्हीडिओची एसआयटी चौकशी करा, अशी मागणी शरद कोळी यांनी केली आहे.