Solapur Under Red Alert : सोलापुरात पुन्हा अतिवृष्टीचा धोका, आज आणि उद्या रेड अलर्ट, पावसाचा जोर वाढला

सोलापूर शहर आणि जिल्ह्यासाठी हवामान विभागाने रेड अलर्ट जारी केला आहे. सध्या सोलापूर शहर आणि जिल्ह्यात अत्यंत विदारक परिस्थिती आहे. सकाळी आठ वाजले असले तरी, सूर्यदर्शन नाही, तर रात्रीसारखे वातावरण पाहायला मिळत आहे. ढग दाटून आले असून पावसाचा जोर प्रचंड वाढला आहे. या गंभीर परिस्थितीमुळे प्रशासनाने नागरिकांना विशेष आवाहन केले आहे. गरज असल्यासच घराबाहेर पडावे, असे प्रशासनाने स्पष्ट केले आहे. तसेच, नद्यांना पूर येण्याची शक्यता असलेल्या ठिकाणी नागरिकांनी जाऊ नये, अशा सूचना देण्यात आल्या आहेत.

सोलापूर-पुणे राष्ट्रीय महामार्गावरील एका नदीला आलेल्या पुरामुळे शेकडो हेक्टर शेती पाण्याखाली गेली आहे. एकंदरीत, सोलापूरमध्ये रेड आणि यलो अलर्टमुळे परिस्थिती बिकट बनली आहे. प्रशासनाने नागरिकांच्या सुरक्षिततेसाठी आवश्यक ती सर्व पावले उचलली असून, सर्वांनी प्रशासनाच्या सूचनांचे पालन करण्याचे आवाहन केले आहे.