BMC Election Results 2026 : ‘तेजस्वी’ विजय, एकाकी झुंज तरीही जिंकली, तेजस्वी घोसाळकरांनी कोणाला दिलं विजयाचं श्रेय?

मुंबई महानगरपालिका निवडणूक २०२६ मध्ये भारतीय जनता पार्टीच्या तेजस्वी घोसाळकर यांनी विजय मिळवला आहे. भाजपच्या पहिल्या उमेदवारांपैकी एक म्हणून विजयी झाल्याबद्दल घोसाळकर यांनी आपला आनंद व्यक्त केला. विजयानंतर त्यांनी पहिली प्रतिक्रिया दिली असून, हे यश भाजपच्या आमदार मनीषा ताई, खासदार पियुष गोयलजी आणि माजी नगरसेवक जगदीशभाई यांच्यासह सर्व पदाधिकारी आणि कार्यकर्त्यांच्या अथक परिश्रमामुळेच शक्य झाल्याचे सांगितले. रात्रंदिवस काम केलेल्या सर्व सहकाऱ्यांना त्यांनी धन्यवाद दिले.

घोसाळकर यांनी स्पष्ट केले की, “आम्ही पहिल्यापासून सांगत होतो की विकासासाठी आम्ही काम करतोय आणि विकासासाठीच आम्हाला मत मिळाले.” राजकीय जीवनात कुटुंबाचा आशीर्वाद नेहमीच सोबत असतो, असे त्यांनी कुटुंब आणि राजकारण यांच्यातील भेद स्पष्ट करताना सांगितले. विनोद घोसाळकर यांच्यासोबतच्या संबंधांबद्दल विचारले असता, आम्ही एकत्र राहत असल्याने फोनची गरज नसल्याचे त्यांनी नमूद केले. अनेक लोकांच्या शुभेच्छा आल्या असल्या तरी, कुटुंबाचे आशीर्वाद सर्वात महत्त्वाचे असल्याचे त्यांनी सांगितले.