Hindi imposition : आता समितीवरून वाद, हिंदी नकोच… ठाकरे बंधूंचा एकत्रित मेळावा अन् सरकारचाही नवा GR, काय म्हटलंय त्यात?

5 तारखेच्या विजयी मेळाव्यासाठी वरळी डोम सभागृहाची पाहणी ठाकरेंच्या शिवसेना आणि मनसेच्या नेत्यांनी एकत्रितपणे केली. अनिल परब, बाळा नांदगावकरांनी पहाणी करत मेळाव्याच्या नियोजनाचा आढावा घेतला. एकीकडे ठाकरे बंधूंच्या मेळाव्याची तयारी सुरू असतानाच दुसरीकडे सरकारने हिंदी सक्तीचे जुने दोन्ही जीर रद्द केल्यानंतर नरेंद्र जाधवांची नवी समिती स्थापन केली. त्याचा नवा जीआर सरकारने काढला. त्रिभाषा सूत्रानुसार जाधव तीन महिन्यात जो अहवाल देतील त्यानुसार कुणाच्याही दबावाला बळी न पडता पुढचा निर्णय घेणार असल्याचे मुख्यमंत्री फडणवीसांनी म्हंटलंय. तर दुसरीकडे मराठीच्या मुद्द्यावर उद्धव आणि राज ठाकरे एकत्रित आलेत आणि या मेळाव्याला हिंदी विरुद्ध मराठी अशी किनार असली तरी आगामी महापालिका निवडणुकीच्या ॲंगलने दोन्ही भावांकडे पाहिलं जात आहे. या मेळाव्याच्या निमित्ताने दोन्ही भावांची ताकद दाखवण्यासाठी गर्दीची तुलना वरळी डोमच्याच शेजारी असलेल्या समुद्राशी करणं सुरू झालाय. बघा कोण काय म्हणाले?