Sambhajinagar : ठाकरे बंधूंची युती? दोन्ही पक्षात मनोमिलनाचं वारं, नेत्यांच्या भेटीगाठी सुरू

छत्रपती संभाजीनगरमध्ये मनसे आणि ठाकरेंच्या शिवसेनेत मनोमिलन झालं आहे. मनसे नेते सुहास दाशरथे ही आज उबठा गटाचे ज्येष्ठ नेते चंद्रकांत खैरे यांच्या भेटीला पोहोचले आहेत. ठाकरे बंधूंच्या युतीच्या चर्चेच्या पार्श्वभूमीवर ही भेट घेतली गेली असल्याचं सांगण्यात आलं आहे.

राज्यात राज ठाकरे आणि उद्धव ठाकरे हे एकत्र येण्याच्या चर्चा सुरू झाल्या आहेत. ही चर्चा सुरू असतानाच छत्रपती संभाजीनगर मध्ये मनसे आणि शिवसेनेत एक वेगळंच चित्र बघायला मिळत आहे. शहरातल्या मनसे आणि शिवसेना ठाकरे गटाच्या नेत्यांच्या भेटीगाठी आणि मनोमिलन सुरू झालं आहे.