‘मला जीवानिशी संपविण्याचा कट’, शिवसेनेच्या ‘या’ नेत्यावर रंजना पौळकर यांचा गंभीर आरोप

वाशिम : वाशिमच्या अनसिंग मार्गावर शिवसेना ठाकरे गटांच्या माजी वाशिम शहर महिला प्रमुख रंजना पौळकर यांचा एप्रिल 2022 मध्ये अपघात झाला होता. त्या अपघातात रंजना पौळकर गंभीर जखमी झाल्या होत्या. तो अपघात शिवसेनेचे माजी जिल्हा प्रमुख सुरेश मापारी यांनी काही लोकांना हाताशी धरून केल्याचा आरोप रंजना पौळकर यांनी आज केला. त्या दरम्यान तक्रारीनुसार अद्याप यातील दोषींवर कोणतीही कारवाई करण्यात न आल्यानं त्यावर कारवाई करण्याची मागणी त्यांनी आज केली. हा अपघात नसून जीवानिशी संपविण्याचा कट असल्याचं ही त्यांनी म्हटलं आहे. त्यानंतर ही चाकूने हल्ला करून गंभीर जखमी केल्याची घटना घडली होती. माझ्यावर दोन वेळा करण्यात आलेल्या प्राणघातक हल्ल्याचा सक्षम यंत्रणेमार्फत तपास करून मला न्याय द्यावा अन्यथा मी 24 एप्रिलपासून जिल्हाधिकारी कार्यालयासमोर बेमुदत उपोषणास बसणार असल्याचा इशारा ही रंजना पौळकर यांनी दिला आहे.