Thane ATS : ठाण्यातून 10 लाखांचं बक्षीस असलेला फरार नक्षलवादी जेरबंद; महाराष्ट्र ATS ची मोठी कारवाई

महाराष्ट्र दहशतवादविरोधी पथकाने (एटीएस) एक महत्त्वपूर्ण कारवाई करत झारखंडमधील एका कुप्रसिद्ध फरार नक्षलवाद्याला ठाणे परिसरातून अटक केली आहे. ही कारवाई एटीएससाठी एक मोठे यश मानले जात आहे.

मिळालेल्या माहितीनुसार, अटक करण्यात आलेला नक्षलवादी झारखंड सरकारसाठी अनेक दिवसांपासून वांछित होता. त्याच्यावर झारखंड सरकारने १० लाख रुपयांचे मोठे बक्षीस देखील जाहीर केले होते. त्याची ओळख आणि गुन्हेगारी पार्श्वभूमी गुप्त ठेवण्यात आली असली तरी, तो अनेक नक्षलवादी कारवायांमध्ये सहभागी असल्याची शक्यता वर्तवली जात आहे.

एटीएस सध्या या नक्षलवाद्याची कसून चौकशी करत आहे. तो ठाण्यात कोणत्या उद्देशाने आला होता? घातपाताचा कट रचण्यासाठी तो शहरात दाखल झाला होता का? अशा अनेक प्रश्नांची उत्तरे शोधण्याचा एटीएस प्रयत्न करत आहे. या अटकेमुळे नक्षलवादी कारवायांना आळा बसण्यास मदत होईल अशी अपेक्षा व्यक्त केली जात आहे. पुढील तपास एटीएसकडून वेगाने सुरू आहे.