NCP  : 10 तारखेनंतर शरद पवारांसोबत पुन्हा बैठक; राष्ट्रवादीच्या विलीनीकरणाबाबत मोठा निर्णय होणार?

सुनील तटकरेंनी केलेल्या एका मोठ्या विधानामुळे महाराष्ट्राच्या राजकारणात खळबळ उडाली आहे. अजित पवार उपस्थित असते तर दोन्ही राष्ट्रवादी काँग्रेसचे १२ फेब्रुवारीला विलीनीकरण निश्चित झाले असते, असे तटकरेंनी म्हटले आहे. त्यांच्या या विधानामुळे राजकीय वर्तुळात अनेक प्रश्न उपस्थित झाले आहेत.

अनिल देशमुख यांनी तटकरेंच्या या वक्तव्याच्या वेळेवर प्रश्नचिन्ह उपस्थित करत, तेव्हा कुणाचा दबाव होता? असा सवाल केला आहे. तर रोहित पवार यांनी अधिक संतप्त प्रतिक्रिया दिली आहे. दादांच्या निधनानंतर विलीनीकरणाबाबत खोटे का बोललात, असे विचारत रोहित पवार यांनी तटकरेंना फटकारले. दादांच्या प्रखर इच्छाशक्तीमुळे विलीनीकरण निश्चित झाले असते, परंतु त्यांच्या अपघाती निधनामुळे तो विषय तिथेच थांबला, असेही रोहित पवार यांनी नमूद केले.

यापूर्वी तटकरे आणि प्रफुल्ल पटेल यांनी विलीनीकरण होणार नसल्याचे म्हटले होते, मात्र आता ते भूमिका बदलून बोलत असल्याने त्यांच्या हेतूंबाबत चर्चा सुरू आहे. सध्या दोन्ही पक्षांमध्ये एकत्रीकरणाची कोणतीही चर्चा नसल्याचे स्पष्ट झाले आहे.